Jacob Van Maerlant

Nu comet hier van den voglen vort
menech sonderlange wort
dar bispel an es, ende dachcurtinghe
medicine, ende leringhe.
Ghebiedijt here, ghi sullet lesen
die wile dat ghi ledech sout wesen.

Mar eric spreke van elken alleene
hort voren spreken int ghemeene.


Elc voghel in vlieghene snel
die ne mach te voet niet wel,
alsemen mach andie swalewe sien.
Cleine vogelkine plien
meer te singhene dan die grote.
Bitende vogle ende hare ghenote
sijn starc van barsten ende van dien.
Alrande vogle plien
clauwen te hebne, alse wijd weten.
Some hebsi die voete ghespleten
ende some versament in een vel.
Negheen voghel n'es snel
die sporen draghet als .i. hane.

http://adcs.home.xs4all.nl/NatBl/NatBl03a.html